Imikino

Isonga FC mu rusengero gushima Imana

June-23
06:34 AM 2017

Taliki ya 17 Kamena 2017 nibwo abakinnyi bagera kuri 16 b’ikipe y’Isonga FC bahagaze imbere y’iteraniro mu rusengero rwa ADEPR Remera bashima Imana ko yabafashije kuva mu kiciro cya kabiri bakaba basubiye mu kiciro cya mbere cya shampiyona y’umupira w’amaguru mu Rwanda.

Aba bakinnyi baherutse no kubatizwa muri iri torero, bavuze ko bashima Imana kuko ariyo bakesha kuba bazamutse bavuye mu kiciro cya kabiri bakaba basubiye mu cya mbere nyuma y’ imyaka ibiri y’imikino bari mu kiciro cya kabiri.
Isonga FC isubiye mu kiciro cya mbere nyuma ya “season” ebyiri, iya 2015/2016 n’iya 2016/2017 iri mu kiciro cya kabiri nyuma yo kumanuka ivuye mu cya mbere mu mwaka w’imikino wa 2014/2015.

Isonga FC igarutse mu kiciro cya mbere nyuma yo gutsinda Muhanga FC igitego 1-0 mu mikino ibiri yabahuje ya kimwe cya kabiri cya shampiyona y’ikiciro cya kabiri mu Rwanda.

Share

Andika igitekerezo

E-mail yanyu ntaho izagaragazwa.
Ahari aka kamenyetso * ningombwa kuhuzuza