Imikino

Cristiano Ronaldo ntagaragara mu bakinnyi batanu bahenze, reba abahenze

January-09
10:24 AM 2018

Ubusesenguzi bw’ikigo mpuzamahanga cyigisha siporo (CIES) bugaragaza ko mu gaciro k’abakinnyi ku isoko ry’igura n’igurisha Neymar n’abandi bakinnyi bahagaze neza bari imbere mu bahenze muri shampionat eshanu zikomeye.

Kuvuga abakinnyi bahenze benshi batekereza Lionel Messi na Ronaldo ariko CIES igaragaza ko umukinnyi wa mbere uhenze ku isoko ugendeye ku mwanya akinaho, kontaro afite, imyaka, uko ahagaze mu kibuga ubu, uhenze kuruta abandi ni Neymar Junior Santos wa PSG ubu uhagaze kuri miliyoni 213 z’ama-Euro.

Ku mwanya wa kabiri hari Messi uhagaze miliyoni 202 z’ama-Euro, na Harry Kane bahaye agaciro ka miliyoni 194 z’ama-Euro, ku mwanya wa kane hakaza Killian Mbappé uhagaze ku gaciro ka miliyoni 192.

Cristiano Ronaldo batiriwe batindaho ari ku mwanya wa 49 mu 100 bahenze ku isi.
Ni mu gihe abanyafurika ba mbere bahenze ari Mohammed Salah, umunyamisiri wabaye umukinnyi w’umwaka. Uyu ahagaze ku gaciro ka miliyoni 140 z’ama-Euro, agakurikirwa na Wilfried Ndidi wahawe agaciro ka miliyoni 77 z’ama-Euro.

Abandi bari hafi ni Sadio Mane (66millions z’ama-Euro), Kalidou Koulibaly (62millions ), na Pierre-Emerick Aubameyang (64 millions ).

Share

Andika igitekerezo

E-mail yanyu ntaho izagaragazwa.
Ahari aka kamenyetso * ningombwa kuhuzuza